കുറച്ചു കാലമായി കാണണം എന്നു വിചാരിച്ച് നടന്ന ഒരു സിനിമ ആയിരുന്നു കഥാവശേഷന്‍..ഇന്നലെ അതു കണ്ടു.. അതിലെ അവസാന രംഗത്തിലെ വാചകം ആണു തലക്കെട്ട്.
കുറച്ച് കൂടുതല്‍ ചിന്തിക്കുന്നതു കൊണ്ടാകാം, മനസ്സ് കലുഷിതമായിരുന്നു.. എന്തിനു വേണ്ടി? ആര്‍ക്കു വേണ്ടി ആണു ഈ ജീവിതം എന്നു നിങ്ങള്‍ എപ്പൊഴെങ്കിലും ആലോചിച്ചിട്ടുണ്ടോ? ചിലപ്പോള്‍ നിങ്ങള്‍ക്കു ഒരു ഉത്തരം പെട്ടന്നു തരാന്‍ വിഷമം ഉണ്ടാകാം..
വെറുതെ ഓരോ മണ്ടത്തരങ്ങള്‍! അല്ലേ?? ഈ മരുഭൂമിയില്‍ ഇങ്ങനെ ജന്മനാട് എന്ന സ്വപ്നവുമായി ജീവിതം തള്ളി നീക്കുന്ന ദിനരാത്രങ്ങളില്‍ ഇങ്ങനെ ഒന്നും തോന്നിയില്ലെങ്കില്‍ ആണു അത്ഭുതം..
നാളെ ദീപാവലി.. മലയാളികള്‍ക്കു വലിയ ആഘോഷം അല്ല എങ്കിലും മറ്റുള്ള ഇടങ്ങളില്‍ അതു സന്തോഷത്തിന്റേയും, ആഘോഷങ്ങളുടേയും നാളുകള്‍.. ഇത്തരത്തിലുളള ആഘോഷ വേളകളില്‍ മറ്റുള്ളവര്‍ക്ക് ആശംസ നേരുന്ന പതിവു പണ്ടേ നിര്‍ത്തിയതാണു, എന്താണെന്നല്ലേ..അതൊക്കെ വെറും വിരസമായ സംഭാഷണശകലങ്ങള്‍ മാത്രമാണെന്നു മനസ്സിലായതു കൊണ്ടാണ്.
പരസ്പരം ആശംസകള്‍ നേര്‍ന്നാല്‍ എന്താ ഒരു ഗുണം?? ആ ഗ്രീറ്റിംഗ് കാര്‍ഡ് അയക്കുന്ന നേരത്തു പോലും, മനസ്സില്‍ ഒരു ആശംസ പോലും നേരുന്നുണ്ടാകില്ല, പലരും.. അല്ലേ? അപ്പൊ പിന്നെ വെറുതെ ഒരു കടമ ആയി അതു മാറിപ്പോകും.. അതു എന്തായാലും ആവശ്യമില്ല!
വീണ്ടും, ആ വാക്കുകള്‍ മന്‍സ്സില്‍ തികട്ടി വരുകയാണു.. “ ജീവിച്ചിരിക്കാനുള്ള നാണക്കേടു കൊണ്ട് “..
അതെ, അതു കൊണ്ട് അയാള്‍ ആത്മഹത്യ ചെയ്തിരിക്കുന്നു...
പണ്ട്, ആദികവി വാല്മീകി പറഞ്ഞ വാക്കുകള്‍ ആണു ഓര്‍മ്മ വരുന്നതു,
“മാനിഷാദ, പ്രതിഷ്ഠാം ത്വ മഗമ: ശാശ്വതീ
യല്‍ ക്രൌഞ്ചമിഥുനേ മമതി കാമമോഹിതം“
ഈ വരികള്‍ മുഴുവന്‍ ശരിയാണോ എന്നു അറിയില്ല! ഓര്‍മ്മയില്‍ നിന്നെടുത്ത് കുറിച്ചതാണു, ചിലപ്പോ ചെറിയ തെറ്റുകള്‍ ഉണ്ടാകാം..ക്ഷമിക്കുക!
ആ മഹാമുനി പറഞ്ഞ പോലെ, മാനിഷാദ! അരുതു കാട്ടാളാ!!
1 comment:
nammal enthanu ingane ennalochichu pokunna chila neranmund...kazhinja mathrubhoomi azhchapathippil eloor anubhavikkunna durithangale kurich oru sachitha lekhanamundayirunnu..athil marakkanvatha oru chodyamund... cancer vanna mary enna sthreeyodu oru udyogasthan chodikkukayanu, ini ethra nal chikithsa sahayam avasyamundennu...maranathekkal bhayanakamaya chodyam....!!! chuvanna Periarine kanumbol athinethire oru cheru viral polumanakkatha udyogasthre kurichorkkumbol nammal swayam lajjikkanam...enthanu ivide viplavangal undakathe pokunnath...? nammude kannukalkkithoru kandu maranna kazhcha mathramayi theernnirikkunnu...manishada ennu namini arodanu parayendath...
Post a Comment